ᐃᓱᒪᒃᓴᖅᓯᐅᕈᑎ ᓄᑖᒧᑦ ᑑᒑᓕᖕᓂᑦ ᐊᐅᓚᑦᑎᓂᕐᒧᑦ ᐋᖅᑭᒃᓱᖅᓯᒪᔾᔪᑎ

ᕿᑭᖅᑕᓂ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔩᑦ (QWB) ᑐᓂᓯᓚᐅᖅᑐᑦ ᑐᒃᓯᕋᐅᑎᒥᑦ ᐃᓱᒪᓕᐅᕆᓂᕐᒧᑦ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ (NWMB) ᔫᓂ 2020-ᒥ ᐊᒻᒪᓗ ᒫᔾᔨ 2022-ᒥ. ᑐᒃᓯᕋᖅᓯᒪᔪᑦ ᖃᐅᔨᔭᐅᓂᑰᔪᓂᑦ−ᑐᙵᕕᖃᖅᖢᑎᒃ ᐋᖅᑭᒋᐊᖅᓯᓂᕐᒥᑦ ᐱᑕᖃᖅᐸᒌᖅᑐᒧᑦ ᐊᐅᓚᑦᑎᓂᕐᒧᑦ ᐋᖅᑭᒃᓱᖅᓯᒪᔾᔪᑎᒥᑦ ᓴᓐᓂᕈᑎᐅᑉ ᐃᒪᖓᓂ ᑑᒑᓕᖕᓂᑦ (Monodon monoceros). ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐃᓕᓴᖅᓯᓚᐅᖅᑐᑦ ᐃᓱᒫᓘᑎᒋᔭᐅᔪᓂᑦ ᐃᓱᒪᒋᔭᐅᔪᑦ ᐊᑐᖅᑕᐅᔪᑦ ᓇᓗᓇᐃᖅᓯᓂᕐᒥᑦ ᑑᒑᓖᑦ ᑲᑎᙵᔪᑦ ᑭᒡᓕᐅᔪᑦ ᐊᒻᒪᓗ ᐊᖑᓇᓱᒃᑕᐅᔪᑦ ᓴᓂᕐᕙᒃᑕᐅᓯᒪᔪᑦ ᐆᒃᑑᑎ ᐊᑐᖅᑕᐅᔪᖅ ᑐᓴᖅᑎᑦᑎᓂᕐᒥᑦ 2013 ᑲᑎᑎᕆᓯᒪᔪᒥ ᐃᖃᓗᒐᓱᖕᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒧᑦ (IFMP) ᑐᕌᖓᓂᖃᙱᑦᑐᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ (IQ), ᐱᓗᐊᙳᐊᖅᑐᒥᑦ ᑑᒑᓖᑦ ᓅᓐᓂᕆᕙᑦᑕᖏᓐᓂᒃ. ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᑐᒃᓯᕋᓕᓚᐅᖅᑐᑦ ᐊᐅᓚᑦᑎᖃᑎᒌᖕᓂᕐᒥᑦ ᑲᑐᔾᔨᖃᑎᒋᔭᐅᒐᔭᖅᑐᓂᑦ ᐃᓱᒪᖃᓯᐅᑎᓂᕐᒧᑦ ᖃᐅᔨᔭᐅᓂᑰᔪᓂᑦ ᑑᒑᓖᑦ ᑲᑎᙵᔪᑦ ᑐᑭᖏᓐᓂᒃ ᓴᖅᑭᑕᐅᔪᑦ ᕿᑭᖅᑕᓂ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ ᑕᑯᒋᐊᒃᑲᓐᓂᓯᓐᓈᑦ ᑑᒑᓕᖕᓂᑦ ᑲᑎᑎᕆᓯᒪᔪᒥ ᐃᖃᓗᒐᓱᖕᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᑦ. ᐋᖅᑭᒋᐊᖅᓯᓂᐊᕐᓗᑎᒃ ᑖᔅᓱᒥᖓ ᑲᑎᑎᕆᓯᒪᔪᒥ ᐃᖃᓗᒐᓱᖕᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒥᑦ ᑲᒪᒋᔭᖃᑦᑎᐊᕐᓗᑎᒃ ᐃᓱᒫᓘᑎᒋᔭᐅᔪᓂᑦ, ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ ᑲᓇᑕᒥ (DFO) ᖃᐅᔨᓴᐃᓂᖅ ᐅᖃᐅᔾᔪᐃᔪᑦ ᑐᒃᓯᕋᐅᑕᐅᕗᖅ ᐱᔾᔪᑎᒋᓪᓗᒍ ᓄᑖᓂᑦ ᑐᑭᓯᒋᐊᕈᑎᓂᑦ ᐃᑲᔪᖅᓱᓐᓂᕐᒧᑦ ᑑᒑᓖᑦ ᑲᑎᙵᔪᑦ ᓇᓗᓇᐃᔭᖅᑕᐅᓯᒪᓂᖏᑦ, ᐊᒻᒪᓗ ᖃᐅᔨᓴᕐᓂᕐᒥᑦ ᐅᓗᕆᐊᓇᕐᓂᖏᓐᓂᒃ ᐊᐅᓚᑦᑎᓂᕐᒥᑦ ᓴᓐᓂᕈᑎᐅᑉ ᐃᒪᖓᓂ ᑑᒑᓖᑦ ᐅᓄᕐᓂᖏᓐᓂᒃ ᑲᑎᖅᓱᐃᓂᒃᑯᑦ ᐊᔾᔨᒌᙱᑦᑐᓂᑦ ᑑᒑᓖᑦ ᑲᑎᙵᓂᖏᓐᓂᒃ ᐱᖃᓯᐅᑎᓗᒋᑦ ᐊᒻᒪᓗ ᐱᖃᓯᐅᑎᖏᓪᓗᒋᑦ ᕿᓚᓗᒃᑭᐊᖃᑦᑕᖅᑎᓪᓗᒋᑦ. ᖃᐅᔨᔭᐅᔪᑦ ᑖᔅᓱᒪᙵᑦ ᑲᑎᒪᓂᐅᔪᒥᑦ ᐃᑲᔪᕐᓂᖃᓛᖅᑐᖅ ᓯᕗᓂᒃᓴᒥᑦ ᐋᖅᑭᒋᐊᕈᑎᒃᓴᓄᑦ ᑲᑎᑎᕆᓯᒪᔪᒥ ᐃᖃᓗᒐᓱᖕᓂᕐᒧᑦ ᐊᐅᓚᑦᑎᓂᕐᒧᑦ ᐸᕐᓇᐅᑎᒧᑦ ᑑᒑᓕᖕᓄᑦ ᓄᓇᕗᒻᒥ ᐊᖏᖃᑎᒌᒍᑎᑖᒧᑦ ᓄᓇᖁᑎᒋᔭᐅᔪᓄᑦ. ᑐᕌᒐᕆᔭᐅᔪᑦ ᐱᓕᕆᖃᑎᒌᒃᑐᑦ ᕿᒥᕐᕈᓂᕆᔭᖏᓐᓄᑦ ᐊᑐᐃᓐᓇᐅᑎᑦᑎᓂᕐᒥᑦ ᖃᐅᔨᓴᐃᓂᕐᒥᑦ ᐅᖃᐅᔾᔪᐃᓂᕐᒥᑦ ᒪᑭᑕᔪᓐᓇᕐᓂᖏᓐᓂᒃ ᓴᓐᓂᕈᑎᐅᑉ ᐃᒪᖓᓂ ᑑᒑᓕᖕᓂᑦ ᐃᒪᐃᓕᐅᕐᓂᒃᑯᑦ: 1. ᕿᒥᕐᕈᓂᕐᒥᑦ ᐃᒪᐃᓐᓂᐊᕋᓱᒋᔭᐅᔪᓂᑦ ᐊᒻᒪᓗ ᒫᓐᓇᐅᔪᖅ ᐊᑐᐃᓐᓇᐅᔪᓂᑦ ᖃᐅᔨᓴᐃᓂᕐᒧᑦ ᖃᐅᔨᔭᐅᓂᑰᔪᓂᑦ ᑐᕌᖓᔪᓂᑦ ᑲᑎᙵᔪᑦ ᓇᓗᓇᐃᔭᖅᑕᐅᓯᒪᓂᖏᑦ; 2. ᐱᓕᕆᓗᑎ ᐅᓗᕆᐊᓇᖅᑐᖃᕐᒪᖔᖅ ᖃᐅᔨᓴᕐᓂᕐᒥᑦ ᐊᑐᓂ ᐆᑦᑑᑎᓄᑦ ᑎᑎᕋᖅᓯᒪᔪᓂᑦ ᐊᑖᓂ ᒪᑭᑕᔪᓐᓇᕐᓂᕐᒧᑦ: a. ᑎᓴᒪᑦ ᐃᓛᒃᑰᖓᔪᑦ ᑲᑎᙵᔪᑦ ᕿᑭᖅᑖᓗᒃ ᑲᓇᖕᓇᖓ [EBI], ᑕᓯᐅᔭᖅ [ES], ᐃᒃᐱᐊᕐᔫᑉ ᐃᒪᕕᖓInlet [AI], ᐊᒻᒪᓗ ᑰᒐᓈᕐᔫᑉ ᕿᑭᖅᑕᖓ [SI]): ᓄᑖᙳᖅᑎᑕᐅᓯᒪᔪᖅ 2011 ᐊᖑᓇᓱᒃᑕᐅᔪᑦ ᓴᓂᕐᕙᒃᑕᐅᓯᒪᔪᑦ ᐆᒃᑑᑎ (HAM) (ᕆᑦᓱᑦ 2011) ᑐᙵᕕᓕᒃ ᓄᑖᖑᓂᖅᐹᒥᑦ ᖃᐅᔨᓴᕐᓂᕐᒧᑦ ᖃᐅᔨᒪᔭᐅᔪᓂᑦ (ᐃᓚᒋᓗᓂᐅᒃ ᑑᒑᓖᑦ ᓅᓐᓂᕆᔭᖏᑦ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓂᑦ ᓇᓗᓇᐃᖅᑕᐅᓯᒪᔪᑦ ᐃᒪᕐᒥᐅᑕᓕᕆᔨᒃᑯᑦ 2020), ᑖᒃᑯᐊ (1A) ᐊᒻᒪᓗ ᐱᑕᖃᙱᓪᓗᓂ (1B) ᐃᓛᒃᑰᖓᔪᑦ ᐊᕐᕌᒍ ᐃᓗᐊᓂ. b. ᐱᖓᓱᑦ ᐃᓛᒃᑰᖓᔪᑦ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓄᑦ ᐱᑕᖃᙱᓪᓗᓂ ᐊᐅᔭᒃᑯᑦ ᐊᒻᒪᓗ ᓇᒧᙵᖅᐸᓪᓕᐊᓂᖏᑦ ᐊᕐᕌᒍ ᐃᓗᐊᓂ: i) ᑲᑎᖅᓱᖅᓯᒪᔪᑦ EBI ᐊᒻᒪᓗ ES, ii) AI, ᐊᒻᒪᓗ iii) SI ᑲᑎᙵᔪᑦ. c. ᐱᖓᓱᑦ ᐃᓛᒃᑰᖓᔪᑦ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓄᑦ ᐱᑕᖃᙱᓪᓗᓂ ᐊᐅᔭᒃᑯᑦ ᐊᒻᒪᓗ ᓇᒧᙵᖅᐸᓪᓕᐊᓂᖏᑦ ᐊᕐᕌᒍ ᐃᓗᐊᓂ: i) ᑲᑎᖅᓱᖅᓯᒪᔪᑦ ES ᐊᒻᒪᓗ AI, ii) EBI, ᐊᒻᒪᓗ iii) SI ᑲᑎᙵᔪᑦ. d. ᒪᕐᕉᒃ ᐃᓛᒃᑰᖓᔫᒃ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓄᑦ ᐱᑕᖃᙱᓪᓗᓂ ᐊᐅᔭᒃᑯᑦ ᐊᒻᒪᓗ ᓇᒧᙵᖅᐸᓪᓕᐊᓂᖏᑦ ᐊᕐᕌᒍ ᐃᓗᐊᓂ: i) ᑲᑎᖅᓱᖅᓯᒪᔪᑦ EBI, ES ᐊᒻᒪᓗ AI, ᐊᒻᒪᓗ ii) SI ᑲᑎᙵᔪᑦ. e. ᐃᓛᒃᑰᖓᔪᖅ ᐊᐅᓚᑦᑎᓂᕐᒧᑦ ᑲᑎᙵᓂᐅᔪᓂ ᐃᓚᖃᖅᖢᓂ ᑖᒃᑯᓂᖓ EB, ES, AI ᐊᒻᒪᓗ SI ᑲᑎᙵᔪᑦ ᐱᑕᖃᙱᓪᓗᓂ ᐊᐅᔭᒃᑯᑦ ᐊᒻᒪᓗ ᓇᒧᙵᖅᐸᓪᓕᐊᓂᖏᑦ ᐊᕐᕌᒍ ᐃᓗᐊᓂ. f. ᒪᑭᑕᔪᓐᓇᕐᓂᖏᑦ ᒫᓐᓇᐅᔪᖅ ᐊᖑᓇᒃᑕᐅᔪᑦ ES-ᒥᑦ ᐱᑕᖃᙱᓪᓗᓂ ᐊᐅᔭᒃᑯᑦ ᐊᒻᒪᓗ ᓇᒧᙵᖅᐸᓪᓕᐊᓂᖏᑦ ᐊᕐᕌᒍ ᐃᓗᐊᓂ. g. ᐅᓄᓛᑦ ᓱᕐᕋᐃᓗᐊᕋᔭᙱᑦᑐᖅ ᐊᖑᓇᓱᖕᓂᕐᒧᑦ ᑐᓂᔭᐅᔪᓐᓇᖅᑐᖅ ᓇᓕᐊᑐᐃᓐᓇᕐᒧᑦ ᐊᖑᓇᒡᕕᐅᔪᒧᑦ ᐃᓂᐅᔪᒧᑦ ᓴᓐᓂᕈᑎᐅᑉ ᐃᒪᖓᓂ. 3. ᓇᓗᓇᐃᖅᓯᓂᕐᒥᑦ ᓇᓗᓇᖅᑐᓂᑦ, ᐊᒃᓱᕉᑕᐅᔪᓂᑦ, ᐊᒻᒪᓗ ᑭᒡᓕᒋᔭᐅᔪᓂᑦ ᐅᓗᕆᐊᓇᖅᑐᖃᕐᒪᖔᖅ ᖃᐅᔨᓯᕐᓂᕐᒧᑦ. ᑖᓐᓇ ᖃᐅᔨᓴᐃᓂᕐᒧᑦ ᑭᐅᔾᔪᑎ ᐅᓂᒃᑳᓕᐊᖅ ᓴᖅᑭᖅᐳᖅ ᑕᐃᑲᙵᑦ ᑲᓇᑕᒥ ᖃᐅᔨᓴᓂᕐᒧᑦ ᐅᖃᐅᔾᔨᒋᐊᓂᕐᒧᑦ ᑎᑎᕋᕐᕕᖓᓂ (CSAS) ᐊᕕᒃᑐᖅᓯᒪᔪᒥᑦ ᐱᓕᕆᖃᑎᒌᓂᑦ ᕿᒥᕐᕈᓂᖓᓂ ᑕᐃᑲᓂ ᔮᓄᐊᕆ 14, 2025, ᐃᓱᒪᒋᔭᐅᖃᓯᐅᑎᒋᐊᓕᖕᓂᑦ ᓄᑖᒧᑦ ᐊᐅᓚᑦᑎᓂᕐᒧᑦ ᐱᓕᕆᔾᔪᑎᒥᑦ: ᒪᑭᑕᔪᓐᓇᕐᓂᕐᒥᑦ ᑑᒑᓕᖕᓂᑦ ᖃᓂᒋᔭᖓᓂ ᕿᑭᖅᑖᓗᒃ ᐅᐊᖕᓇᖓᓂ ᐊᒻᒪᓗ ᑲᓇᖕᓇᖓᓂ.