Endurspeglar Panem nútímasamfélög? Pólitík, stjórnun og sjónarspil í þríleiknum um Hungurleikana

Þessi ritgerð er lögð fram til B.A.- prófs í almennri bókmenntafræði á Hugvísindasviði Háskóla Íslands. Fjallað er um þríleikinn um Hungurleikana (Hungurleikarnir, Eldar kvikna og Hermiskaði) eftir Suzanne Collins. Í ritgerðinni er sjónum beint að pólitísku kerfi Panem: stéttaskiptingu, ójöfnuði, alræði og hervæðingu, sem og notkun sjónarspils (frægðarmenningu, áróðri og táknheimi) og hvernig greina má þessa þætti í ljósi nútímasamfélaga. Stuðst er meðal annars við kenningar Karl Marx um kapítalisma og greiningu Guy Debord um samfélag sjónarspilsins.